O'zbekistonda to'rtta sport turidan selekcion musobaqalar o'tkaziladi

Indoneziyadagi Osiyo o'yinlari yakuniga etgach, O'zbekiston Tokio 2020 o'yinlariga tayyorgarlik jarayonini boshlab yubordi. Ikki yildan so'ng o'tkaziladigan Olimpiya o'yinlarida O'zbekiston navbatdagi rekordlarni zabt etishga harakat qiladi. Bu yo'lda keng ko'lamdagi ishlar amalga oshiriladi. Rejalar ham katta. Jumladan, shu yilning 24 sentyabr - 7 oktyabr kunlari Milliy olimpiya qo'mitasi turli selekciya musobaqalarini tashkil qilmoqda.

Bugun ana shu musobaqa tashkiliy qo'mitasining yig'ilishi o'tkazildi. Unda ishchi guruh azolari, yakkakurash sport turlari bo'yicha federaciyalar rahbarlari ishtirok etishdi. Yig'ilish davomida to'rtta olimpiya sport turi - taekvondo WTF, boks, karate WKF va dzyudo bo'yicha selekcion turnirning tashkiliy masalalari ko'rib chiqildi.

Milliy olimpiya qo'mitasi dasturiga ko'ra, selekcion ochiq turnirlarida quyidagi sport turlari vakillari ishtirok etadilar:

Taekondo WTF bo'yicha bahslarda:

Taekvondo ITF
Taekvondo GTF
Ananaviy taekvondo
O'zbek jang sanati
Taekvondo ITF milliy associaciyasi
Junri taekvondo

Musobaqaning o'tkazilish muddati: 24-26 sentyabr

Boks:

Kikboksing
Havaskor va professional muaytay
Qo'l jangi
Ushu-sanda

Musobaqaning o'tkazilish muddati: 27 sentyabr - 1 oktyabr

Karate WKF:

Milliy karate
Ananaviy karate
SHotakan
Fudokan

Musobaqaning o'tkazilish muddati: 3-4 oktyabr

Dzyudo:

Milliy kurash
Belbog'li kurash
Jiu-jitsu
Sambo

Musobaqaning o'tkazilish muddati: 6-7 oktyabr.

Bellashuvlar Taekvondo WTF associaciyasiga qarashli "Universal” sport majmuasida bo'lib o'tadi.

Demak, yuqorida sanab o'tilgan sport turlaridan olimpiya yo'nalishlariga sportchilarni selekciya qilish uchun ushbu musobaqa tashkil qilinadi. Asosiy maqsad - Tokio 2020 musobaqasiga eng sara sportchilarni tanlab olish va yangi nomlarni kashf etishdir.

Malumot uchun, Rio Olimpiadasi chempioni Hasanboy Do'smatov ham o'z vaqtida noolimpiya sport turi hisoblangan kikboksing bilan shug'ullangan. To'g'ri yo'lga qo'yilgan selekciya samarasi o'laroq u boks terma jamoasi mashg'ulotlarida ishtirok eta boshlagan. Yakunda esa natija qanday bo'lganini juda yaxshi bilasiz. Ajab emaski, tashkil etilayotgan ushbu musobaqa bizga yangi Hasanboylarni kashf qilib bersa.