“Prezident Kubogi”. Ettita medal bilan umumjamoa hisobida ikkinchi bo'ldik+FOTO

Dunyoning 15 davlatidan 150 nafardan ziyod bokschilar ishtirok etgan musobaqada O'zbekiston terma jamoasi azolari ham medallar uchun ringga ko'tarilishdi. Umumiy ishtirokchilar sonining beshdan biri, yani 35 nafari mezbon bokschilar hisobiga to'g'ri keldi. 

Har bir vaznda 3-4 nafardan qozog'istonlik charm qo'lqop ustalari ishtirok etishdi. Bu esa ularning medallarni qo'lga kiritishdagi imkoniyatini keskin oshirib yubordi. Keyin hakamlar ham bizning bokschilarga qarshi kechgan janglarda ochiqchasiga mezbonlarga yon bosishdi. Bu esa yakuniy natijaga tasir o'tkazmay qolmadi. 

Qozog'iston terma jamoasi 10ta vazn toifasidan 8tasida oltin medalni qo'lga kiritdi. Qolgan ikki vaznning birida hamyurtimiz Bektemir Meliqo'ziev, yana birida esa rossiyalik Gabil Mamedov chempion bo'ldi. Aslida Mamedovga qarshi jangda hamyurtimiz SHunqor Abdurasulov g'alaba qozongan edi. Lekin bu safar ham hakamlar katta sahnaga chiqishdi. 

Yakunda 1ta oltin, 2ta kumush, 4ta bronza, jami 7ta medalni qo'lga kiritgan O'zbekiston terma jamoasi umumjamoa hisobida ikkinchi o'rinni egalladi. Bizga nisbatan bitta bronza kam jamg'argan Rossiya terma jamoasi kuchli uchlikka yakun yasadi. 

Terma jamoamiz delegaciyasi bugun soat 17:45da Toshkentga qaytib keladi.  

G'olib va sovrindorlar. Erkaklar

49 kg

I Temirtas Jusupov (Qozog'iston)

II Jomart Erjan (Qozog'iston)

III Lalbiakkima Nutlai (Hindiston), Vasiliy Egorov (Rossiya)

52 kg

I Anuar Muzapparov (Qozog'iston)

II Ladon Rogen (Filippin)

III Baba Ryusei (Yaponiya), Sivax Saxin (Hindiston)

56 kg

I Qayrat Eraliev (Qozog'iston)

II Dyuk Reygen (AQSH)

III SHahobiddin Zoirov (O'zbekiston), Ilyas Suleymenov (Qozog'iston)

60 kg

I Gabil Mamedov (Rossiya)

II SHunqor Abdurasulov (O'zbekiston)

III Erdenbat Cenbaatar (Mo'g'uliston), Zakir Safiullin (Qozog'iston)

64 kg

I Bekdaulet Ibragimov (Qozog'iston)

II Ikboljon Xoldarov (O'zbekiston)

III Vuttichay Masuk (Tailand), Aliyor Noraliev (O'zbekiston)

69 kg

I Aslanbek SHimbergenov (Qozog'iston)

II Ablayxan Jusupov (Qozog'iston)

III Mahmud G'oipov (O'zbekiston), Ardi Seylom (Tailand)

75 kg

I Abilxan Amankul (Qozog'iston)

II Erik Aljanov (Qozog'iston)

III Isroil Madrimov (O'zbekiston), Adam CHartoi (SHveciya)

81 kg

I Bektemir Meliqo'ziev (O'zbekiston)

II Bek Nurmaganbet (Qozog'iston)

III Bekzad Nurdauletov (Qozog'iston), Imam Xataev (Rossiya)

91 kg

I Abzal Kuttibekov (Qozog'iston)

II Sadam Magomedov (Rossiya)

III Vasiliy Levit (Qozog'iston), Anton Pinchuk (Qozog'iston)

+91

I Kamshibek Kunkabaev (Qozog'iston)

II Maksim Babanin (Rossiya)

III Ayboldi Daurenuli (Qozog'iston), Nurlan Saparbay (Qozog'iston).