Saidyoqub Qahramonovning navbatdagi jangi sanasi va manzili malum. Jang MMA qoidalari asosida o'tkazilmaydi

Karate qoidalari asosida o'tkaziladigan turnirning markaziy jangida 36 yoshli UFC sobiq jangchisi Entoni Pettis yana bir sobiq UFC vakili Benson Henderson bilan jang qiladi.

Ahamiyatlisi, musobaqa doirasida o'zbekistonlik UFC sobiq jangchisi Saidyoqub Qahramonov ham jang qiladi. Bu haqda Saidyoqub Twitter'dagi sahifasi orqali xabar berdi.

"Ishga tayyorman. Juma oqshomida karate bo'yicha debyut jang bo'ladi", - deb yozdi Qahramonov.

Hozircha hamyurtimizga kim raqiblik qilishi aniq emas.

Eslatib o'tamiz, hamyurtimiz so'nggi jangini 2023 yilning may oyida XMMA 6 turnirida braziliyalik Rafael Kostaga qarshi o'tkazib, ilk raunddayoq g'alaba qozongan edi. Qahramonov 2021-2022 yillarda UFC doirasida 3 ta jang o'tkazgan va ularning 2 tasida g'alaba qozongan, yana bir jangda mag'lub bo'lgan.