Sanjar Zokirov ONE FC'da rossiyalik raqibiga qarshi jang qilib, faoliyatidagi to'qqizinchi g'alabasini qo'lga kiritdi

Musobaqa doirasida o'zbekistonlik MMA ustasi, Xonto'raev jamoasi azosi Sanjar Zokirov (9-0-0) ham navbatdagi jangini o'tkazdi. Rossiyalik Zayundin Suleymanov (6-1-0)ga qarshi kechgan jang to'liq 3 raund davom etdi va unda yosh hamyurtimiz hakamlarning yakdil qarori bilan g'alaba qozondi.

Ahamiyatlisi, bugungi g'alaba Sanjar uchun faoliyatidagi to'qqizinchi jangda qo'lga kiritilgan to'qqizinchi g'alaba bo'ldi. Zayundin Suleymanov esa bugun faoliyatidagi ettinchi jangida ilk mag'lubiyatini qabul qilib oldi. U bugungacha oltita g'alabaga erishgan edi.