16 iyu 09:54
Yangiliklar

Boks/MMA

SHohjahon Ergashev chempionlik kamarini Moskvada himoya qiladi, jang sanasi malum+FOTO!

Professional bokschimiz SHohjahon Ergashev o'zining navbatdagi jangini Rossiya Federaciyasi poytaxti Moskva shahrida o'tkazadi.

Bokschimizning bizga xabar berishicha, jang 19 avgust kuni Moskva shahrida bo'lib o'tadi. Ayni paytda hamyurtimiz murabbiyi bilan birgalikda bo'lajak jangga tayyorgarlik ko'rmoqda.

- 19 avgust kuniga belgilangan jangda chempionlik kamarimni himoya qilaman. Hozirda promouterlarimiz bir necha nafar bokschilar bilan muzokara olib borishyapti. Bir narsa aniqki, raqib amerikalik bokschi bo'ladi, - dedi Ergashev.

Eslatib o'tamiz, WBA International kamari sohibi SHohjahon o'zining hozircha so'nggisi bo'lib turgan jangida xitoylik Vang Jiminni 100:90, 99:91, 100:90 hisobida mag'lubiyatga uchratgan edi. Ergashev prof ringda 13ta jang o'tkazib, ularning barchasida g'alaba qozongan. Nokautlari soni 12ta!