SHohjahon Ergashev ikki o'zbek bokschisi o'rtasidagi revansh jangini tashkil qilib bermoqchi + FOTO

Ergashev o'z sahifasida ikki o'zbek bokschisi Abbosxon Yo'ldoshev hamda Bekzod Isadullaev bilan birga ekani aks etgan suratni joylab, uni quyidagicha izohladi:

"Sizlar revansh jangini ko'rishni xohlarmidingiz? Shohjahon Promotions promouterlik kompaniyasi shu jangni tashkil qilish harakatida. Nima deb o'ylaysiz, revansh jangida kim g'alaba qozonadi?".

Bekzod Isadullaev esa bunga javoban, jangni intizorlik bilan kutayotganini yozgan.

Malumot o'rnida, Abbosxon Yo'ldoshev hamda Bekzod Isadullaev o'rtasidagi ilk jang durang bilan yakunlangan.

Eslatib o'tamiz, SHohjahon Ergashev 26 noyabr kuni IBF yo'nalishi chempioni Sabriel Matiasga qarshi jang qilib, jarohat sabab muddatidan oldin mag'lub bo'lgan edi. Bu Ergashevning 24 ta jangdan iborat faoliyatidagi ilk mag'lubiyat edi.