23 iyu 09:33
Yangiliklar

Boks/MMA

Smit sobiq UFC chempionini 89 soniyada nokaut qildi

Aralash qoidalar bo'yicha amerikalik sportchi Entoni Smit yarim og'ir vaznda sobiq UFC chempioni Maurisioni mag'lub etdi.

Ushbu jang Germaniyaning Gamburg shahrida UFC Hamburg turniri doirasida bo'lib o'tdi. Smit uchun raqibini mag'lub etish uchun 89 soniya kifoya qildi. Referi tirsak bilan berilgan kuchli zarbadan so'ng jangni to'xtatdi.

Mazkur g'alabasi uchun Smit UFC tashkilotidan gonorarga qo'shimcha bonus sifatida 50 000 AQSH dollari miqdorida mukofot puli ham oldi. Kechagi g'alabadan so'ng Smit Gustafssonni jangga chorladi.