UFC 225. Romero 90 grammga og'ir chiqdi, jang chempionlik maqomida bo'lmaydi

O'rta vazn toifasi vakili bo'lgan Yoel ikkinchi urinishda ham belgilangan vazndan 0,2 funt, yani 90 grammga og'irroq tosh bosdi. Yoel birinchi urinishda 1 funtga og'irroq chiqqandi. Romero ixtiyoridagi ikki soat vaqt davomida ham ortiqcha vazndan xalos bo'la olmadi. 

SHu tariqa, bizning vaqt bilan ertaga tong saharda o'tkaziladigan chempionlik jangida Robert Uittakerga tegishli UFC chempionlik kamari Romero g'alaba qozongan taqdirda ham o'z egasida qoladi. Avvalroq Uittaker agar Yoel vazn meyorini bajara olmasa, oktagonga chiqmasligini aytgandi.