20 avg 18:38
Yangiliklar

Qishki sport turlari

Uzoq kutilgan g'alaba! "Humo" Rossiya klubini mag'lub etdi

Toshkentning "Humo" xokkey klubi Oliy xokkey ligasining yangi mavsumiga tayyorgarlikni davom ettirmoqda.

SHu kunlarda Evgeniy Popixin shogirdlari Rossiyaning Sankt-Peterburg shahrida o'tkazilayotgan mavsumoldi turnirida ishtirok etyapti. Bugun xokkeychilarimiz musobaqa doirasidagi navbatdagi uchrashuvni Almetevskning "Neftyanik" klubiga qarshi o'tkazishdi.

Nihoyat, "Humo" xokkeychilari o'zlarining uzoq kutilgan ilk g'alabalariga erishishdi. Muxlislar 7 ta gol ko'rishgan uchrashuvda "Humo" 5:2 hisobida zafar quchdi. Voroshilo dublga erishgan bo'lsa, qolgan shaybalarga SHerbina, Grigorenko va Bezrukovlar mualliflik qilishdi. Ertaga "Humo" turnir mezbonlari - "SKA-Neva" klubiga qarshi muzga chiqishadi.