WBA yangi vazn (101,6 kg) toifasi uchun ilk reytingni elon qildi

101,6 kilogrammgacha bo'lgan ushbu reytingda rossiyalik Evgeniy Tishenko peshqdamlik qilmoqda. Ikkinchi o'rindan uning bo'lajak raqibi Leon Xart (Germaniya) o'rin egalladi. Kuchli uchlikka yana bir rus bokschisi Aleksey Egorov yakun yasab bergan. Ushbu reytingning Top-15`tagiligida o'zbekistonlik bokschilardan hech kim yo'q.

Takidlash joiz, WBA Butunjahon Boks ittifoqi (WBC)dan so'ng yangi – 101,6 kg.gacha vazn toifasidagi o'z reytingini taqdim etdi. Ushbu kamar uchun ilk chempionlik jangi 9 dekabr kuni BAAning Dubay shahrida bo'lib o'tadi. SHu kuni havaskor boksda Rio-2016 Olimpiadasi chempioni, rossiyalik Evgeniy Tishenko germaniyalik Leon Xartga qarshi ringga ko'tariladi. 

Etiborlisi, Dubaydagi boks oqshomida o'rta vazn toifasida o'zbekistonlik bokschi Saidjamshid Jafarov ham ringga ko'tariladi. Hamyurtimizga o'sha kuni yaponiyalik jahon chempioni, Xanchjou-2022 Osiyo o'yinlari g'olibi Sevon Okazava raqiblik qiladi.

101,6 kg vazn WBA reytingi, Top-15:

1. Evgeniy Tishenko (Rossiya);

2. Leon Xart (Germaniya);

3. Aleksey Egorov (Rossiya);

4. Badu Jek (SHveciya);

5. Roman Fress (Qozog'iston);

6. CHjaosin CHjan (Xitoy);

7. Riad Merxi (Belgiya);

8. Endryu Tabiti (AQSH);

9. Kem Yungkvist (Daniya);

10. CHivon Klark (Buyuk Britaniya);

11. Ayzek CHemberlen (Buyuk Britaniya);

12. Mark Petrovskiy (Rossiya);

13. Muslim Gadjimagomedov (Rossiya);

14. Kiton Gomes (JAR);

15. Andrey Peshich (Serbiya).