13 avg 12:16
Yangiliklar

Boks/MMA

Xorxe Linares va Daud Yordan WBA kamari uchun ringga chiqishadi

Engil vazn toifasida sobiq WBA chempioni 32 yoshli Xorxe Linares vakant bo'lib qolgan WBA Regular chempionlik kamari uchun ringga ko'tariladi.

Ayni paytda reytingda birinchi o'rinni egallab turgan Linaresning raqibi ikkinchi pog'onadan joy olgan indoneziyalik 31 yoshli Daud Yordan bo'ladi. CHempionlik jangi noyabr oyida o'tkazilishi rejalashtirilgan.

Bu haqda Indoneziyaning Jakarta shahrida bo'lib o'tgan matbuot anjumanida xabar berilgan. Ushbu vaznda WBA Super chempionlik kamari ukrainalik Vasiliy Lomachenkoga tegishli. Uch oy oldin Lomachenko aynan Linaresni 10-raundda texnik nokautga uchratib, chempionlik kamarini qo'lga kiritgandi.