09 июн 08:16
Янгиликлар

Бокс/ММА

1 август кунги UFC оқшомининг марказий жанги ҳақида маълумот берилди

UFC промоушени 1 август куни АҚШнинг Невада штати Лас-Вегас шаҳрида навбатдаги турнирни ўтказади.

АРЕХ арена мезбонлик қилувчи ва мухлисларсиз ўтиши кутилаётган ушбу турнирнинг марказий жанги Холли Холм ҳамда мексикалик Ирен Алдана ўртасида ташкил этилиши мумкинлиги айтилди. Холм собиқ UFC чемпиони ҳисобланади.

Маълумот учун, Холли Холм ўзининг сўнгги жангини шу йилнинг январь ойида UFC 246 турнири доирасида Ракель Пеннингтонга қарши ўтказиб, 29:28, 30:27, 30:27 ҳисобида ғалаба қозонган эди. Унинг ҳисобида 13 та ғалаба ва 5 мағлубият бор.

Алдана эса охирги 6 та жангидан 5 тасида зафар қучган. Сўнгги жангида Кетлин Виейрага биринчи мағлубиятни тақдим этиш баробарида рақибасини биринчи раунднинг ўзида нокаутга учратган эди. Айнан 1 август куни Эдмен Шахбазян - Дерек Брансон жанги ўтказилиши ҳам мумкин.