23 июн 08:27
Янгиликлар

Бокс/ММА

11 июль куни UFC камари учун жанг қилувчи Пётр Ян ота бўлди + ФОТО

Россиялик аралаш яккакураш устаси Пётр Ян иккинчи бор оталик бахтига муяссар бўлди.

Ҳозирда UFC промоушенининг енгил вазн тоифасида ўз жангларини ўтказиб келаётган Ян "Инстаграм"даги саҳифасига рафиқаси Юлия ҳамда янги меҳмон акс этган суратларни жойлади.

"Дўстлар, ҳаммага салом! Бугун оиламиз яна бир кишига кўпайди. Константин Петрович! Юля, раҳмат! Сен ақлли аёлсан", — дея сурат остида изоҳ ҳам қолдирган Ян.

Эслатиб ўтамиз, Пётр Ян 11 июль куни БАА пойтахти Абу-Даби шаҳридаги "Жангчилар ороли"да UFC 251 турнири доирасида октагонга кўтарилади. Унинг бразилиялик Жозе Альдога қарши кечадиган жанги вакант қолган чемпионлик камари учун бўлиб ўтади.