12 авг 15:12
Янгиликлар

Теннис

16 ёшли Гофф Лексингтондаги юришини бошлади

АҚШнинг Лексингтон шаҳрида WTA турнири давом этмоқда.

Дунёнинг 53-ракеткаси бўлиб турган Кори Гофф мусобақадаги иштирокини ғалаба билан бошлади. Америкалик 16 ёшли иқтидор эгаси Top Seed Open турнирининг илк даврасида рейтингнинг 134-поғонасидан жой олиб турган ватандоши Каролин Долхайдга қарши кортга чиқди.

Бир соату 42 дақиқа давом этган учрашувда Гофф рақибасини 7/5, 7/5 ҳисобларида таслим этди. Бу икки америкалик теннисчининг ўзаро илк тўқнашуви эди. Энди Коко иккинчи давра учрашувида беларуслик Арина Соболенкога қарши баҳс олиб боради.