07 янв 17:01
Янгиликлар

Теннис

18 ёшли Лейла Абу-Дабидаги юришини бошлади

Канадалик истеъдодли теннисчи Лейла Фернандес Абу-Дабида бошланган турнирда муваффақиятли старт олди.

Дунёнинг 88-ракеткаси бўлиб турган 18 ёшли Лейла асосий тўрнинг илк даврасида рейтингнинг 96-поғонасидан жой олган италиялик 25 ёшли Жасмин Паолинидан устун келди - 6/4, 6/2.

Бир соату 13 дақиқа давом этган баҳсда Лейла 2 та эйс зарбасини амалга оширди. Бу теннисчиларнинг ўзаро ўтказган илк учрашуви эди. Фернандес иккинчи босқичда словениялик Тамара Зиденшек ёки америкалик Женнифер Брэдига қарши кортга чиқади.