2026 йилда жаҳон чемпиони бўлишни ният қилган Хуршидбек Расулжонов билан интервью

— Ҳозир фаолиятингизнинг қайси босқичидасиз? Сиз африкалик Люсандо Команисини нокаутга учратган Екатеринбургдаги жангдан кейин бир ой ўтди. Кейинги жангингиз учун тайёргарлик бошланганми?

— Ҳозирги босқичда яхши спорт формасидаман ва стандарт дастур бўйича навбатдаги жангимга тайёргарликни бошлаб юбордим.

— 2025 йил якунлари сарҳисоб қилинар экан, дастур максимум бажарилди деб айтиш мумкинми? Ёки кўпроқ жанг ўтказишни хоҳлаганмидингиз?

— Ҳар доим кўпроғини хоҳлайман. Ҳар қандай амбицияли спортчи каби фикрлайман. Ўйлайманки, 2025 йил промоутерим Рустем Имангалиев томонидан тасдиқланган жадвал бўйича катта мураббийим Адел Зайнетдинов билан биргаликда муваффақиятли ўтди. Уларнинг баҳоси бу йил учун "яхши" (кулади).

— Янги 2026 йилда қандай мақсад ва вазифалар турибди?

— 2026 йил учун промоутер томонидан қўйилган вазифа - асосий йўналишлардан камида биттаси бўйича чемпионлик жанги ўтказиш.

— Ҳозир сиз эгалик қилаётган Европа Иттифоқи чемпионлик камари сиз учун қанчалик муҳим ва қадрли?

— EBP камари тўлиқ чемпионлик жангларига чиқиш учун зарур бўлган босқичлардан бири ҳисобланади.

— 2025 йилга иккинчи ярим енгил вазн тоифасида мутлақ жаҳон чемпиони Наоя Иноуэнинг Давид Пикассога қарши шов-шувли жанги якун ясайди. "Япон йиртқичи"га қарши Пикассонинг имкониятларини қандай баҳолайсан?

— Иноуэ вазнидан қатъи назар энг яхши боксчилардан бири ва ҳозирда унинг дивизионида муносиб рақиб йўқ. Фикримча, Пикассо унга қарши жангда ҳеч нарса кўрсата олмайди. Аммо жанг Наоя Иноуэнинг барча чиқишлари каби қизиқарли бўлади.

— Жейк Полнинг Энтони Жошуага қарши ўтказган жанги сизга ёқдими? Натижа айнан шундай бўлишини кутганмидингиз?

— Бу жанглар фикримча, профессионал боксга яхшилик келтирмайди. Бу бокснинг қадрсизланиши. Мен бу циркни ҳатто кўрмайман ҳам.