06 янв 13:14
Янгиликлар
Бокс/ММА
Хуршидбек Расулжонов: Агит Кабайел — супероғир вазннинг кучлиси!
Иккинчи ярим енгил вазнда EBP (Eurasian Boxing Parliament) чемпиони ҳамюртимиз Хуршидбек Расулжонов супероғир вазннинг вақтинчалик WBC камари учун кечадиган жангга ўз тахминини билдирди.
Ушбу жангда вақтинчалик WBC камарининг амалдаги соҳиби Агит Кабайель польшалик Демьян Книбага қарши рингга кўтарилади.
"Агит Кабайел бугунги кунда супероғир дивизионининг кучли боксчиларидан бири. Александр Усикни инобатга олмаса, энг кучлиси деса ҳам бўлади. Демьян Книбага қарши кечадиган жангда Кабайел бу фактни яна бир бор исботлайди. Шу пайтгача уни зарбаси кучсиз оғир вазнли боксчи сифатида биларди ва шундай муносабат билдирарди. Лекин охирги бешта жангида у ёрқин нокаутли ғалабалар билан рақибларини мағлуб этди. Ишончим комил, Кабайел Демьянни ҳам нокаут эвазига ютади", — деди Расулжонов.
Эслатиб ўтамиз, Кабайель ва Книба ўртасидаги жанг 10 январь куни Оберхаузен (Германия) шаҳрида бўлиб ўтади.
Ҳавола :
Манба : allboxing
Фикрлар