Агит Кабайел супероғир вазнда тўлақонли WBC чемпионига айланди

Кабайел (27-0, 19 КО) энди WBC'нинг расмий супер оғир вазн чемпиони ҳисобланади.

33 ёшли Агит ўзининг ижтимоий тармоқдаги саҳифасида Александр Усикнинг қарорини ҳурмат билан қабул қилганини таъкидлади. 

Кабайел вақтинчалик чемпионлик камарини Чжан Чжилей ва Дамиан Книбани муддатидан аввал мағлуб этган ҳолда икки марта муваффақиятли ҳимоя қилиб, шундан сўнг Усик билан бирлаштирувчи жанг ўтказишга даъвогарлик қилиб келаётган эди.

Аввалроқ Турки Ал аш-Шайх Усикнинг чемпионлик камарларини яна бир бор ҳимоя қилиши, бу сафар йил охирида Германиядаги тўлиб-тошган футбол стадионида жанг ташкил этишни режалаштирган эди. Бироқ ўтган ойда Рико Верхувенга қарши баҳсдаги ишончсиз чиқиши ортидан 39 ёшли боксчининг келажаги бўйича турли саволлар пайдо бўлди.

Кабайел The Ring нашрига берган интервьюсида Усик ва Верхувен ўртасидаги жанг натижасини сабр билан кутишини айтган эди. Бироқ Мисрдаги ўша учрашувдан бир ой ўтар-ўтмас, у тарихий ютуқ соҳиби сифатида эътироф этилди.