11 ноя 11:55
Янгиликлар
2026 йилги Даъвогарлар турнирининг қаерда ўтказилиши маълум
Унга кўра, 2026 йилги эркаклар ва аёллар ўртасидаги Даъвогарлар турнири 28 мартдан 16 апрелгача Кипр давлатида бўлиб ўтади.
Мусобақа Пафос яқинидаги курорт меҳмонхонада ўтказилади. Турнирнинг минимал мукофот жамғармаси рекорд даражадаги 1 миллион еврони ташкил этади.
Номзодлар турнирида дунёнинг саккиз нафар етакчи шахматчиси иштирок этади, улар 2025 йилги FIDE Жаҳон кубоги, Grand Swiss ва FIDE Circuit натижаларига кўра, қатъий танлов жараёнидан ўтган. Аёллар ўртасидаги номзодлар турнирининг саралаш босқичи аёллар ўртасидаги Гран-прини ҳам ўз ичига олади.
Номзодлар турнири ғолиби амалдаги жаҳон чемпиони, ҳиндистонлик Доммаража Гукешга қарши жаҳон чемпионлиги учун ўйнаш ҳуқуқини қўлга киритади. Аёллар ўртасидаги чемпионлик унвонига хитойлик Жу Венжун эгалик қилади. Америкалик Фабиано Каруана ва Ҳикару Накамура, голландиялик Аниш Гири ва германиялик Маттиас Блюбаум аллақачон турнирга йўлланмани қўлга киритган.
Фикрлар