2026/2027 йилги мавсумда Англия Премьер-лигасининг тўққизта жамоаси еврокубокларда иштирок этади

"Кристал Пэлас" ўз тарихидаги илк еврокубок совринини қўлга киритганини нишонламоқда. Лондон клуби финалда "Райо Вальекано"ни минимал 1:0 ҳисобида мағлуб этиб, Конференциялар лигаси ғолибига айланди. Шу тариқа, "Кристал Пэлас" нафақат совринни қўлга киритди, балки 2026/2027 йилги мавсум учун Европа лигаси йўлланмасига ҳам эга бўлди. "Бургутлар" Премьер-лигада 15-ўринни эгаллаб, чемпионат орқали еврокубокларга йўлланма ололмаган эдилар.

2026/2027 йилги мавсумда Чемпионлар лигасида "Арсенал", "Манчестер Сити", "Манчестер Юнайтед", "Астон Вилла" ва "Ливерпуль" жамоалари иштирок этади. Европа лигасида "Борнмут", "Сандерленд" ва "Кристал Пэлас" тўп суради. Конференциялар лигасида эса "Брайтон" клуби ўйнайди.