22 ноя 10:24
Янгиликлар
Бокс/ММА
Хабиб UFC билан шартномани узайтиришдан бош тортди
Енгил вазн тоифасида UFC чемпиони Хабиб Нурмагомедов ташкилот билан шартномасини узайтириш истагида эмаслигини маълум қилди.
Бунга UFCнинг Хабибга америкалик енгилмас боксчи Флойд Мейвезер билан жанг ўтказиш учун рухсат берилмагани сабаб бўлмоқда. Бу маълумотни россиялик жаҳон чемпионининг менежери Али Абдул-Азиз ҳам тасдиқлади.
“Нурмагомедов UFCпрезиденти Дана Уайтнинг қарорларига ҳурмат билан муносабатда бўлади. UFC билан шартномаси бор экан, қоидаларга амал қилади. Лекин шартнома якунига етиши билан Хабиб Мейвезер билан боғланиб, 2019 йилда ўтказилиши кутилаётган жанг бўйича музокара бошлайди.
Агар Флойд ММА қоидалари бўйича жанг ўтказиш истагида бўлса, ўзини ҳозирданоқ суғурта қилиб қўйсин. Чунки, бу жангдан кейин у бировнинг ёрдамисиз юра олмайди, сувни ҳам махсус найчалар орқали ичади”, - деди Абдул-Азиз TMZ порталига берган интервьюсида.
Ҳавола :
Фикрлар