05 май 19:56
Янгиликлар

Теннис

22 ёшли Свёнтек тўққизинчи WTA 1000 бош совринини қўлга киритди. Фақат икки теннисчида ундан кўпроқ титул бор

Сайёрамизнинг биринчи ракеткаси Ига Свёнтек Мадриддаги WTA 1000 тоифасига кирувчи турнирда чемпион бўлганди.

Бу польшалик теннис маликаси учун фаолиятидаги тўққизинчи WTA 1000 чемпионлик соврини бўлди: Доха (2022, 2023, 2024), Индиан-Уэллс (2022, 2024), Майами (2022), Мадрид (2024), Рим (2021, 2022).

Бу билан 22 ёшли польшалик теннис маликаси Симона Халеп ва Петра Квитовага тенглашиб олди. Свёнтекдан фақат икки теннисчи кўпроқ WTA 1000 совринини ютган: Виктория Азаренко (10) ва Серена Уильямс (13). Бу тоифадаги турнир 2009 йилдан бери ўтказиб келинади.