11 фев 12:13
Янгиликлар

Бокс/ММА

26 март кунги UFC турнирининг марказий жанги маълум

26 март куни АҚШнинг Огайо штати Коламбус шаҳрида навбатдаги UFC турнири бўлиб ўтади.

Оқшомнинг марказий жанги оғир вазн тоифасида Кертис Блэйдс ҳамда Крис Дакас ўртасида ташкил этилади. Ко-мэйнивент жангда эса ярим оғир вазн тоифаси вакиллари - собиқ чемпион Ян Блахович ҳамда Александр Ракич ўзаро тўқнаш келиши керак эди. Лекин Яннинг жароҳати сабаб бу жанг бекор қилинди.

30 ёшли Кертис Блэйдс сўнгги жангида Жаирзиньо Розенстрайкдан устун келган эди. Ундан аввал эса "Бритва"нинг 4 та ғалабадан иборат сериясига чек қўйилганди. Ўшанда Деррик Льюис Кертисни иккинчи раундда нокаутга учратган эди.

Маълумот учун, айни пайтда Кертис Блэйдс ҳамда Крис Дакас UFC рейтингида мос равишда тўртинчи ва еттинчи ўринни эгаллаб турибди.