09 фев 18:04
Янгиликлар

Бокс/ММА

41 ёшли Дерек Чисора Отто Валлинга қарши 12 раундлик жанг ўтказди

Англиянинг Манчестер шаҳрида профессионал бокс турнири бўлиб ўтди.

Оқшом доирасидаги қизиқарли жангларнинг бирида супероғир вазн тоифасининг IBF чемпионлик камари учун даъвогар аниқланди. Британиялик 41 ёшли Дерек Чисора швециялик 34 яшар Отто Валлинга қарши рингга кўтарилди. Ўн икки раундлик жанг тўлиқ давом этди ва унда тажрибали Дерек 117-109, 116-110, 114-112 ҳисобида ғалаба қозонди.

Бу Чисоранинг проф рингдаги 49-жанги эди. Ушбу ғалаба унга IBF чемпионлик камари учун расмий даъвогар мақомини берди. Қовоғи шикастланганига қарамай, Чисора тўққизинчи ва ўн иккинчи раундларда нокдаун ҳолатига тушириб қўйди. Ғалабадан кейин Дерек ўзининг кейинги 50-юбилей жангини чемпион Александр Усикка қарши ўтказишга тайёр эканини маълум қилди.