26 июл 07:19
Янгиликлар

Бокс/ММА

42 ёшли Вердум UFCдаги сўнгги жангида Густафссонни 150 сонияда мағлуб этди + ФОТО

Хабар берганимиздек, айни дақиқаларда Абу-Дабидаги "Жанглар ороли"да UFC Fight Island 3 турнири бўлиб ўтмоқда.

Асосий карднинг яна бир қизиқарли жанги оғир вазн тоифасида ўтказилиб, унда собиқ UFC чемпиони Фабрисио Вердум швециялик Александр Густафссонга қарши октагонга кўтарилди. Бу 42 ёшли Вердумнинг UFC билан шартномадаги сўнгги жанги эди. У бундан аввалги иккита жангида мағлубият аламини тотиб кўрганди.

Жанг бироз кутилмаганда муддатидан анча аввал якунланди. Александрни тейкдаун ҳолатига тушира олган бразилиялик фахрий жангчи оғритиш усули эвазига ғалаба қозонди. Чап қўлини Фабрисиога бериб қўйган Густафссон таслим бўлишдан ўзга чора топа олмади. Жанг бошланганидан роппа-роса икки ярим дақиқа ўтиб тўхтатилди.

Таққослаш учун, жангга қадар Густафссон UFC рейтингида 7-ўринни эгаллаб турган бўлса, Вердум 14-поғонадан жой олган эди.