Токио-2020. Баҳодирнинг ғалабаси, дзюдочи ва икки боксчимизда мағлубият

Кун давомида Олимпиадада иштирок этган ўзбекистонлик спортчиларнинг иштирокларига оид маълумотларни ушбу саҳифада онлайн равишда кузатиб бориш мумкин бўлди. 

Спортчиларимизнинг натижалари қуйидагича бўлди:

Академик эшкак эшиш: Шахбоз Холмурзаев/Собир Сафаралиев (С финал) (6 давлат ичида 4-ўрин) 

Дзюдо: Муҳаммадкарим Ҳуррамов (иккинчи жангда мағлубият)

Бокс: Баҳодир Жалолов (1/8 финалда озарбайжонлик боксчи устидан ғалабага эришди)

Бокс: Турсуной Раҳимова (1/8 финалда туркиялик рақибга мағлуб бўлди)

Бокс: Фанат Қаҳрамонов (1/8 финалда қозоғистонлик рақибга мағлуб бўлди)

Шу тариқа ўзбек спортчиларининг Олимпиаданинг олтинчи кунидаги иштироки якунланди. 

13:29. Афсуски Фанат Қаҳрамонов қозоғистонлик Абилхан Аманкулга 0:5 ҳисобида ютқазиб қўйди. 

13:13. Фанат Қаҳрамоновнинг жанги бошланмоқда! Рақиб - қозоғистонлик Абилхан Аманкул.

12:23. Эртага рингга кўтариладиган боксчиларимиз рўйхати:

Бобоусмон Батуров - Пет Маккормак (Британия)

Райҳона Қодирова - Наоми Юмба (Кабо-Верде)

12:12. Фанат Қаҳрамоновнинг жангига бир соатдан камроқ вақт қолмоқда.

11:41. Хитой медаллар жамғариш бўйича биринчи ўринга чиқиб олди.

10:18. Турсуной Раҳимованинг жанги. Қайси мамлакат ҳакамлари қандай баҳо қўйишди?

9:45. Унгача ушбу саҳифамиз орқали Олимпия ўйинларига оид бошқа маълумотларни бериб борамиз. 

9:40. Бугун кун давомида Фанат Қаҳрамонов ҳам рингга кўтарилади. У қозоғистонлик Абилхан Аманкулга қарши баҳс юритади. Жанг Тошкент вақти билан соат 13:15 да бошланиши кутилмоқда.

9:19. Турсуной Раҳимова туркиялик кучли рақибасига қарши жанг қилди 2:3 ҳисобида имкониятни бой берди. Ҳакамлар бу борада туркиялик боксчига ғалабани туҳфа қилишди. Шубҳали қарор. Афсус...

8:57. Бироздан сўнг боксчимиз Турсуной Раҳимованинг туркиялик рақибага қарши жанги бошланади. 

8:45. Баҳодир Жалолов энди чорак финалда ҳиндистонлик Сатиш Кумарга қарши баҳс юритади. 

8:25. Муҳаммадкарим Ҳуррамов япониялик дзюдочига қарши баҳсда имкониятни бой бериб қўйди. Шу тариқа, Ҳуррамов учун Олимпиада иккинчи босқичдаёқ якунланди.

8:10. Баҳодир Жалолов озарбайжонлик рақибини 5:0 ҳисобида мағлубиятга учратди. Қайд этиш лозимки, у иккинчи раундда рақибини нокдаун ҳолатига ҳам туширишга улгурди. 

7:55. Баҳодир Жалоловнинг жанги бошланмоқда. Рақиб - озарбайжонлик Муҳаммад Абдуллаев.

7:49. Ҳуррамов навбатдаги жангини мезбон - япониялик Аарон Вульфга қарши ўтказади. 

7:36. Дзюдо. Муҳаммадкарим Ҳуррамов ирландиялик рақибини мағлубиятга учратди. Ғалаба билан бошладик, яхшиии!

7:28. Академик эшкак эшувчиларимиз Шахбоз Холмурзаев ва Собир Сафаралиев ўз чиқишини якунлади. С финалда вакилларимиз 6 жамоа ичида тўртинчи бўлиб маррага етиб келишди. 

6:52. Ассалому алайкум қадрли спорт ишқибозлари. Ўзбекистонлик спортчиларнинг иштирокига оид матнли трансляциямизни бошлаймиз.

Кун давомида қуйидаги спортчиларимиз баҳсларда иштирок этишади:

7:20 - Академик эшкак эшиш: Шахбоз Холмурзаев/Собир Сафаралиев (С финал)

7:30 - Дзюдо: Муҳаммадкарим Ҳуррамов

8:05 - Бокс: Баҳодир Жалолов

9:05 - Бокс: Турсуной Раҳимова

13:15 - Бокс: Фанат Қаҳрамонов

Соатлар Тошкент вақти билан кўрсатилган