30 апр 13:49
Янгиликлар

Велоспорт

"7 Saber Uzbekistan Women Cycling Team" аъзоси Шаҳноза Абдуллаева "Tour of Bostonliq” ғолиби!

Тошкентда велошоссе бўйича "Tour of Bostonliq" пойгалари якунланди.

Иккинчи кун ўтказилган пойгада эркаклар 162.8 км, аёллар 113 км масофада беллашишди.

Дастлабки босқичда катта тафовут билан ғалаба қозонган "7 Saber Uzbekistan Women Cycling Team" аъзоси Шаҳноза Абдуллаева якунда мусобақа ғолиблигини қўлга киритди. Иккинчи босқичда кучли учликдан жой олмаган бўлса ҳам, пелотон билан финиш чизиғини босиб ўтгани унинг аёллар ўртасидаги пойгаларни ғалаба қозонишини таъминлади.

Ўзбекистон терма жамоасининг етакчисига айланган Сергей Ростоцев шиддатли кечган 2-босқичда иккинчи натижани қайд этди. Афсуски, бу унга умумий классификацияда совриндорлар қаторидан жой олиш учун камлик қилди.