Александр Волковнинг эҳтимолий рақиблари маълум

Волковнинг менежери Иван Банников мижозининг кейинги рақиби ким бўлиши мумкин деган саволга жавоб берди. 

"Мен UFC матчмейкерлари билан суҳбатни бизга Деррик Льюисни беринглар деган мурожаат билан бошлайман. Агар Льюисни беришмаса, унда вазиятга қараб иш тутамиз. Лекин Деррик бунинг учун аввал Сергей Павловични мағлуб этиши шарт. UFC бизга рақиб берган тақдирда ҳам биринчи навбатда мен Сашанинг ўзи билан гаплашиб, унинг фикрини биламан. Миочич - Жонс, Ган - Туиваса жанглари ғолиблари билан октагонда тўқнаш келиш ҳам биз учун ажойиб совға бўларди. Ган билан реванш? Нима учун йўқ? Блейдсга қарши реванш ҳам бизга керак. Рейтингнинг кучли учталигида бораётган рақибни беришса яхшироқ бўларди", - деди Банников "Ушатайка" каналига берган интервьюсида.