09 июн 17:26
Янгиликлар

Бокс/ММА

"Matchroom Boxing" Мадримов Пулев - Чисора кардида рингга кўтарилишини расман тасдиқлади + ПОСТЕР

Профессионал боксчимиз Исроил Мадримов навбатдаги жангини 9 июль куни ўтказади.

У ўша куни Лондонда франциялик Мишель Сорога қарши рингга кўтарилади.

Ёдингизда бўлса, боксчилар ўтган йилнинг декабрь ойида Тошкентда ўзаро жанг қилишганди ва Исроил Мадримов рақибини муддатидан олдин мағлуб этганди. Ўшанда тўқнашувнинг 9-раундида ҳакам гонг овозини эшитмаган, шундан сўнг Мадримов рақибга бир неча зарбалар йўллаши натижасида техник нокаут қайд этилган эди. Шундан сўнг Соронинг жамоаси ҳакамнинг қарорига эътироз билдирган ва шикоят билан мурожаат қилган. Шу сабабли, WBA боксчилар учун реванш белгилади. Жанг ғолиби WBA камари учун мажбурий даъвогарга айланади.

Кечанинг марказий жангида супероғир вазн тоифасида Кубрат Пулев ва Дерек Чисора ўзаро рингга кўтарилади.