UFC'даги энг ўзига хос жангчилардан бири ҳам Забитнинг кетишига муносабат билдирди

"Аслини олганда, у жуда яхши эди. Забит — жуда кучли жангчи. Унинг чемпион бўлиши мумкинлигига шубҳа қилмасдим. Ўзининг айтишича, у уч йил давомида машғулотларга зўр бера олмайди, кейин эса яна жангларга қайтиб, топ жангчига айланади", - дея айтиб ўтган О'Мэлли ўз YouTube каналида.

Илгарироқ, Забит Магомедшарипов жароҳати боис фаолиятини якунлаганини расман эълон қилган эди. Бунгача, Магомедшариповнинг фаолиятини якунлаганига Хабиб Нурмагомедов, қолаверса Ислам Махачев муносабат билдирган эди. Бироз ўтиб эса, жангчининг ўзи фаолиятини якунлаш қарорига изоҳ берганди.

Маълумот учун, Шон О'Мэлли навбатдаги жангини 2 июль куни, UFC 276 доирасида Педро Муньозга қарши ўтказади.