Забит Магомедшарипов фаолиятини якунлаш сабабини айтди

"Кўпчилик менинг қайтишимни кутди, деярли барча мени таниган инсонлар қачон қайтишим ҳақидаги саволни берди. Бироқ мен фаолиятимни якунлашимни эълон қилдим. Жангларнинг бекор бўлиши, соғлиқдаги муаммолар мени октагонга кўтарилишимга қаршилик қилди. Ҳозир тикланган бўлишимга қарамасдан, мен ўзимни аввалгидек ҳис қилмай қўйдим. 

Мени қўллаб турганларнинг барчасидан миннатдорман. Чемпион бўла олмадим, аммо, сизларнинг меҳрингизни қозона олдим деб ўйлайман. Профессионал фаолиятимни якунладим, лекин спортдан кетдим демайман. Шундай экан, сизлар билан хайрлашмайман. Барчага раҳмат", - дея ёзиб қолдирган Забит Магомедшарипов.

Эслатиб ўтамиз, Забит 2019 йилда сўнгги жангини ўтказган. Шундан сўнг у соғлиғидаги муаммолар сабабли фаолиятини маълум муддатга тўхтатишга қарор қилганди.