06 июл 07:29
Янгиликлар
Хирн Жошуа - Усик ўртасидаги реванш жангида ким ғалаба қозонишини айтди
Промоутернинг сўзларига кўра британиялик боксчи жамоаси билан жангга учта режа тайёрлаб қўйган.
"Усик танага зарба ўтказишни ёқтирмайди. Жошуа реванш жангида тажовузкор бокс намойиш этиши керак. Аммо, шу билан чекланиб қолиш керак эмас. Роберт Гарсия жангга учта режа тузиш кераклигини айтди. Бу яхши албатта. Сабаби Усик жуда-жуда ақлли боксчи" — деди промоутер.
Хирн жанг муддатидан олдин якунланишига ишончи комил.
"Айтганимдек Жошуа тажовузкор бокс кўрсатиши керак. У ғалаба қозониши шартлигини билади. У Усикни нокаут қилишига ишонаман. Жошуа реванш жангида уни мағлуб қилади. Энтони очколар ҳисобида ғалаба қозонишига шубҳам бор. У Усикни нокаут қилиши керак", — дея қўшимча қилди Эдди Хирн.
Эслатиб ўтамиз, боксчилар ўртасидаги илк жанг 2021 йилнинг октябрь ойида ўтказилган ва унда Александр Усик Жошуани 117-112, 115-113, 116-112 ҳисобида мағлуб этганди. Ушбу ғалаба орқали у Энтонига тегишли WBA Super, IBF ва WBO камарларини тортиб олган эди.
Фикрлар