24 июл 12:40
Янгиликлар

Бокс/ММА

Саидёқуб Қаҳрамонов UFC'дан тезроқ жанг ташкиллаштириб беришни сўради + ФОТО

Ҳамюртимиз июль ойи аввалида ўзининг иккинчи жангини ўтказган эди.

Саидёқуб Twitter'даги расмий саҳифасида қолган жангчиларимиз, умуман олганда спортчиларимизга қараганда анча фаол.

Бугун тонгда, UFC London турнири якунида ёзган твитида у UFC'дан тезроқ жанг ташкиллаштириб беришларини, у билан ким жанг қилишни хоҳлашини сўраган.

Бунга жавобан мухлислар Умар Нурмагомедов билан реваншни тавсия қилишди ҳамюртимизга.

Эслатиб ўтамиз, Саидёқуб Қаҳрамонов UFC'даги биринчи жангини ўтган йилнинг 22 августида Тревер Жонсга қарши, иккинчи жангини эса 10 июль куни Ронни Лоуренсга қарши ўтказган.

Аввалроқ, ҳамюртимиз UFC 280 доирасида жанг қилмоқчи экани ҳақида хабар берган эдик.