Ботир Аҳмедов: «Бизнинг кун эмас экан»

Супер енгил вазн тоифасида вакант қолган WBА чемпионлик камари учун доминиканлик Алберто Пуэллога қарши рингга чиқиб, қўли юқорига кўтарилмаган Ботир Аҳмедов Инстаграмда пост қолдирди.

«Ғалаба ва мағлубият Қудратли Зотдан!

Бугун бу афсонавий одам менинг исмимни айтмади!

Биз яна кучлироқ қайтиб, мақсадимизга эришамиз, агар Худонинг иродаси шундай бўлса! Жангдан олдин қўллаб-қувватлаганлар ҳамда жангдан сўнг илиқ тилак билдирганларга раҳмат айтмоқчиман. Бу мен учун жуда кўп нарсани англатади, ҳаммага раҳмат! Жамоамга ҳаммаси учун раҳмат айтаман. Бугун бизнинг кун эмас экан, лекин биз ҳали ҳам ўз сўзимизни айтишимизга ишонаман», - дея тегишли суратни илова қилди, Аҳмедов.