8 август кунги UFC турнирининг марказий жанги маълум

Ташкилотчилар бўлажак оқшомнинг марказий жангини эълон қилишди. Ушбу жанг оғир вазн тоифасида ўтказилади ва унда россиялик Алексей Олейник рейтингнинг 4-поғонасидан жой олиб турган америкалик Деррик Льюисга қарши октагонга кўтарилади. 

"Янги жанг шартномасига имзо чекдим. 8 август кунги UFC турнирининг марказий жангида Деррик Льюис билан тўқнаш келаман. Яратганнинг ўзи қўлласин!", — дея Инстаграм саҳифасида хабар қолдирган Олейник. 

Эслатиб ўтамиз, Алексей сўнгги жангини шу йилнинг май ойида собиқ жаҳон чемпиони Фабрисиу Вердумга қарши ўтказиб, ғалабага эришганди. 8 август кунги жанг Олейник учун 2020 йил ҳисобидан учинчиси бўлади. У январь ойида Морис Гриндан ҳам устун келган эди. Россиялик спортчи ушбу ғалабалари эвазига рейтингда 11-ўринга кўтарилиб олди. Льюис эса сўнгги жангида Илира Латифини таслим этганди.