01 дек 16:45
Янгиликлар

Сув спорти турлари

Сузиш. Россиялик сузувчи Ўзбекистон терма жамоаси таркибида АҚШда ўтказилган мусобақа совриндорига айланди

Америка Қўшма Штатларининг Шимолий Каролина штатида сузиш бўйича "Toyota US Open" мусобақаси ўтказилмоқда.

Мусобақада асли россиялик сузувчи Илья Сибирцев Ўзбекистон терма жамоаси аъзоси сифатида иштирок этди.

Аҳамиятлиси, спортчи 800 метр масофага эркин усулда сузиш баҳсларида 7:54.36 натижа қайд этиб, шоҳсупанинг учинчи поғонасидан жой олди ва бронза медалини қўлга киритди.

Мазкур дастурда олтин медаль АҚШ вакили Чарли Кларкка насиб этган бўлса, аёллар ўртасидаги баҳсларда 7 карра Олимпиада ғолиби Кети Ледеки биринчи бўлган.

Маълумот учун, 22 ёшли Илья Сибирцев 2019 йилда Россия терма жамоаси сафида ўсмирлар ўртасидаги Европа чемпионати ғолиби бўлган. Ҳозирда у АҚШда истиқомат қилади ва машғулот олиб боради.