18 май 10:23
Янгиликлар
Бокс/ММА
Абдель-Азиз: "Махачев Макгрегор учун енгил вазнда қолган бўларди. Топурия катта юлдуз эмас"
Менежер Али Абдель-Азиз UFC’нинг Ислам Махачевга тегишли камарни вакант деб эълон қилишини изоҳлади.
"UFC'дагилар: "Келинг, дивизионни тўхтатмайлик" деди. Уларга Халқаро жанг ҳафталиги учун асосий жанг керак эди. Ислам ҳақида қайғуришди. Хантер Кэмпбелл ҳаттоки Доғистонга бориб келди.
Мен UFC қарорини танқид қилмоқчи эмасман. Ислам эҳтимол, енгил вазнга қайтмас. Лекин биз уни барибир дивизионнинг энг яхшиси деб ҳисоблаймиз. У Маддаленани енгса, икки вазн чемпиони бўлади. У яримўрта вазнда янада кучли бўлади. У ўзини бахтли ҳис қила бошлади.
Мен Конор Макгрегорни ёқтирмайман, лекин у юлдуз эди. Агар у билан жанг бўлганида, Ислам енгил вазнда қолган бўларди. Лекин Топурия юлдуз эмас. Бу ҳурматсизлик эмас, биз рақамларни биламиз. Ислам олдинга интилиши керак. Топурияга ҳам шуни тилайман", — деди Абдель-Азиз.
Ҳавола :
Манба : MMA Junkie
Фикрлар