Абдулҳаким Шаубаев Осиё Kukmuwon федерацияси президенти этиб сайланди

Корея Республикаси пойтахти Сеул шаҳрида шарқ яккакурашлари оиласига мансуб Жаҳон Кукмувон World Kukmuwon (WKMW) федерациясининг навбатдаги йиғилиши бўлиб ўтди. Унда якунига етиб бораётган 2024 йилни мавсум сарҳисоби, янги йил тақвими каби бир қатор масалалар муҳокама қилинди. 

Биз учун аҳамиятлиси, йиғилиш доирасида Осиё Kukmuwon федерациясига янги раҳбарнинг сайланиши бўлди. Унда делегатларнинг якдил овози билан Абдулҳаким Шаубаев Осиё Kukmuwon федерацияси президенти этиб тасдиқланди. Унга ишонч ёрлиғи ҳамда Ўзбекистон ва Корея Республикаси ўртасидаги дўстлик алоқаларини янада мустаҳкамлашга қўшаётган ҳиссаси учун миллий мукофоти тақдим этилди.  

Шунингдек, Жаҳон Kukmuwon федерацияси президенти Хванг Ёнг-Жин юртдошимизга  8-ДАН қорабелбоғ даражасини ҳам топширди. Хванг Ён-Жин Жанубий Корея Миллий спорт турлари раиси ҳам ҳисобланади. У Ўзбекистонда ҳам бўлиб, яккакураш спорт турларида шуғулланаётган ёшларимиз ҳамда уларнинг мураббийлари билан учрашган.