24 фев 14:41
Янгиликлар

Бокс/ММА

Абдумалик Халоков 27 февраль куни профессионал боксда жанг қилади

Париж Олимпиадаси чемпиони Абдумалик Халоков профессионал боксдаги иккинчи жангини ўтказади.

Ҳамюртимиз 27 февраль куни Испаниянинг Севилья шаҳрида ўтказиладиган профессионал бокс оқшомида рингга кўтарилади.

Ўша куни Абдумаликка Венесуэла вакили Марлемброн Акунья рақиб бўлади. У проф боксда 25 та жанг ўтказиб, 13 та жангда ғалаба қозонган, 11 маротаба мағлуб бўлган, 1 марта дуранг қайд этган. Абдумалик эса проф боксда ҳозирча битта жанг ўтказган ва рақибини нокаут эвазига мағлуб этганди.

Ушбу жанг 6 раунддан иборат бўлади.

Абдумалик Халоков шу кунларда Болгарияда ўтказиладиган "Странжа" турнирида жанг қилиши лозим эди. Аммо проф боксдаги ушбу жанг сабаб у "кичик жаҳон чемпионати"да иштирок эта олмайди.