Абдумалик Халоков 28 январь кунги жангига муносабат билдирди

"Юнусобод" спорт мажмуасида Lift промоутерлик компанияси томонидан ташкил этилаётган ушбу профессионал бокс оқшомида Париж-2024 Олимпиадаси чемпиони Абдумалик Халоковнинг ҳам жанг ўтказиши керак эди. Ҳатто ташкилотчилар томонидан турнирнинг расмий постерида унинг сурати ҳам берилганди.

Аммо боксчимизнинг ўзи сайтимизга қўнғироқ қилиб, бу турнирда жанг ўтказиш бўйича ташкилотчиларга рад жавобини берганини айтди. Демак, Абдумалик Халоков Тошкентдаги турнирда рингга чиқмайди. Унинг проф боксдаги иккинчи жангини ҳозирча кўрмаймиз.  

Эслатиб ўтамиз, Халоков профессионал боксдаги дебют жангини 2023 йилнинг 17 ноябрь куни Тошкентда айнан LIFT промоутерлик компанияси томонидан ташкил этилган катта проф бокс оқшомида ўтказганди. Ўшанда у украиналик Олександр Егоровни иккинчи раундда нокаут эвазига мағлуб этган эди.