25 сен 12:25
Янгиликлар

Бокс/ММА

Абдумалик Халоков Наоя Иноуэ билан эҳтимолий жанг ҳақидаги саволга жавоб берди

Олимпиада чемпиони Абдумалик Халоков проф бокснинг иккинчи энг енгил вазнида япониялик мутлақ жаҳон чемпиони Наоя Иноуэ билан жанг ҳақида гапирди.

"Иноуэ билан жанг? Федерация ва Олимпия қўмитаси раҳбарияти бир марта проф боксда тушишга рухсат берса, мен тайёрман. У 53 кг вазнда, мен эса 57 килограммда жанг қиламан.

Ўйлайманки, Муроджон Аҳмадалиев кучли бўлиб қайтади. Ўзининг ичидан нима ўтаётганини ўзи билади. Бу жангни жуда кўп кутганди, шунинг учун "вызов"лар ҳам ташлади. Лекин Муроджон Аҳмадалиев бу жангда бор кучи билан ишламади. Ўйлашимча, Муроджон ака кучли бўлиб қайтади ва ўзи Иноуэни ютади. Ундан кейин биз гапирсак бўлади. Ҳозир акамиздан олдин "сакрашга" ҳаққимиз йўқ", деди Халоков.

Эслатиб ўтиш жоиз, Наоя Иноуэ 14 сентябрь куни ҳамюртимиз Муроджон Аҳмадалиевни очколар ҳисобига кўра таслим этганди.