Абдуқодир Ҳусанов: "Пеп Гвардиоладан жуда миннатдорман"

"Мен Пеп Гвардиоладан жуда миннатдорман. У менга кўп бор шахсан вақт ажратади, ўйиннинг ҳар бир тафсилотини тушунтириб беради. Биз босқичма-босқич юқорига интиляпмиз — у мени шошилтирмайди ва менга вақт кераклигини тушунади...

Бу клубда ўйнаётганимдан фахрланаман. Бизда жамоани уйда ҳам, сафарда ҳам қўллаб-қувватлайдиган жуда кўплаб мухлислар бор. Бу либосни кийиш — жуда катта масъулият.

Уларнинг қўллови жуда катта аҳамиятга эга ва мен уларга шахсан миннатдорлик билдирмоқчиман — ҳатто қийин пайтларда ҳам улар биз билан бирга. Биз буни жуда қадрлаймиз. Улар учун янада кўпроқ совринларни қўлга киритишни истаймиз. Ва, албатта, менинг орзум — ЕЧЛда ғалаба қозониш...", – деди Ўзбекистон терма жамоаси ҳимоячиси.

Ҳусанов 2025 йилнинг январидан бери "Манчестер Сити"да. Ўшандан бери 22 ёшли марказий ҳимоячи "шаҳарликлар" сафида 40 ўйинда майдонга тушиб, 1 та гол урди.