Абдураҳмонов ва Раҳмонов Рио Олимпиадасига боради

Мазкур нуфузли мусобақа спорт курашлари бўйича Рио-2016 ўйинларига йўлланмалар ўйналадиган сўнгги саралаш турнири ҳисобланади.

Ҳозиргина икки ҳамюртимиз эркин кураш баҳсларида финалга йўлланма олиш баробарида Олимпия ўйинлари чиптасини ҳам қўлга киритишди. Оғирлик вазни 74 кг.гача бўлган полвонлар мусобақасида иштирок этаётган Бекзод Абдураҳмонов ярим финалда қирғизистонлик Сайакбай Усуповни 12:2 ҳисобида мағлубиятга учратди.

-57 кг вазнда илк бор катталар ўртасидаги нуфузли мусобақада қатнашаётган Аббос Раҳмонов ҳам шов-шувли тарзда финалга йўлланма олди. Республика олимпия захиралари коллежи ўқувчиси бўлган Аббос ярим финалда қирғизистонлик Самат Нодирбек уулуни 2:1 ҳисобида доғда қолдирди. Бироздан сўнг олтин медал учун гиламга чиқадиган бу икки эркин курашчимиз Рио Олимпиадасига бориш ҳуқуқини қўлга киритишди.