19 ноя 15:10
Янгиликлар

Теннис

Абдураимова Братислава турнири финал чиптаси учун ўйнайди

Словакиянинг Братислава шаҳрида теннис бўйича ITF W60 турнири давом этмоқда.

Соврин жамғармаси 60 минг долларни ташкил этувчи ушбу турнирда ҳамюртимиз Нигина Абдураимова ҳам муваффақиятли иштирок этяпти. Мамлакатимизнинг биринчи ракеткаси бугун ярим финал учрашувида чехиялик Барбора Палицовага қарши кортга чиқади.

Таққослаш учун, Нигина WTA рейтиингида 192, 18 ёшли Барбора эса 220-ўринни эгаллаб турибди. Турнирда саккизинчи рақам остида сараланган Абдураимова ярим финалга қадар украиналик Катерина Володкони 7/6(5), 6/3, словакиялик Ребекка Шрамковани 6/2, 6/4, венгриялик Амарисса Киара Тоттни 6/4, 6/7(6), 6/3 ҳисобида мағлубиятга учратган эди.