20 май 19:00
Янгиликлар

Теннис

Абдураимова Франция турнири финалига чиқа олмади

Франциянинг Сен-Годен шаҳрида теннис бўйича W60 тоифасига кирувчи турнир давом этмоқда.

Мукофот жамғармаси 60 минг еврони ташкил этувчи ушбу турнирда ҳамюртимиз Нигина Абдураимова ҳам муваффақиятли иштирок этаётганди. Афсуски, мамлакатимизнинг биринчи ракеткаси финал остонасида юришини тўхтатди.

Бироз аввал Абдураимова ярим финалда америкалик Робин Монтгомерига 5/7, 3/6 ҳисобида имкониятни бой бериб қўйди. Робин WTA рейтингининг 195-поғонасини банд этган. Турнирда еттинчи рақам остида таснифланган Нигина эса дунёнинг 181-ракеткаси бўлиб турибди.