04 апр 13:52
Янгиликлар

Теннис

Абдураимова ITF W40 Split Women турнири жуфтлигида 1/4 финалга чиқди

Хорватиянинг Сплит шаҳрида теннис бўйича ITF W40 Split Women турнири давом этмоқда.

Унда ҳамюртимиз Нигина Абдураимова ҳам иштирок этяпти. Мамлакатимизнинг биринчи ракеткаси мусобақанинг жуфтлик баҳсларида чорак финал иштирокчисига айланди.

Нигина россиялик Алёна Фомина билан турнирнинг иккинчи рақамли жуфтлигини ҳосил қилган. Улар мураккаб кечган 1/8 финал учрашувида хорватиялик теннисчилар Яна Фетт ҳамда Ива Приморак ҳамкорлигини 4/6, 6/4, тай-брекда 10/7 ҳисобида таслим этишди.

Энди Абдураимова/Фомина жуфтлиги 1/4 финалда словениялик Ника Радишич ҳамда хорватиялик Тена Лукаш тандемига қарши кортга чиқади.