Абдураимова Паула билан бирга биринчи рақамли жуфтликни таслим этди

Мукофот жамғармаси 100 000 АҚШ долларини ташкил этувчи ушбу мусобақада ҳамюртимиз Нигина Абдураимова ҳам ўз омадини синаб кўряпти. Мамлакатимизнинг биринчи ракеткаси яккалик баҳсларининг 1/16 финалида рейтингда ўзидан юқорида бораётган япониялик тажрибали теннисчи Мисаки Доига аламли тарзда ютқазиб қўйганди.

Энди Нигина бор эътиборини жуфтликлар мусобақасига қаратмоқда. Вакиламиз польшалик Паула Кания-Чодун билан ҳамкорликда илк даврада турнирнинг биринчи рақамли жуфтлиги, руминияликлар Моника Никулеску ва Елена Габриэла Русега қарши кортга чиқди. 

Бир соату 27 дақиқа давом этган учрашувда Абдураимова/Чодун ҳамкорлиги 5/7, 6/1, тай-брекда 10:8 ҳисобида ғалаба қозонди. Энди улар 1/4 финалда британиялик теннисчилар Жон-Баптисте Лаурин ва Элиз Малони жуфтлигига қарши кортга чиқишади. Ушбу баҳс бугун бизнинг вақт билан соат 23:30дан кейин бошланади.