01 дек 10:48
Янгиликлар

Теннис

Абдураимова Таиланд турнири бош соврини учун кортга чиқди

Бир ҳафта давомида Таиланднинг Нонтабури шаҳри мезбонлик қилган теннис бўйича аёллар ўртасидаги турнир якунланди.

Мукофот жамғармаси 15 000 АҚШ долларини ташкил этувчи “Фьючерс” мусобақасида ҳамюртимиз Нигина Абдураимова ҳам иштирок этди. Турнирнинг олтинчи ракеткаси сифатида сараланган Нигина финалгача етиб келди.

Афсуски, ҳозиргина якунига етган ҳал қилувчи финал учрашувида у мағлубият аламини тотиб кўрди. Абдураимова 2 соату 36 дақиқа давом этган баҳсда япониялик Химено Сакацумега 6:7(3), 7:5, 1:6 ҳисобида ютқазиб қўйди. Нигина иккинчи сетни 2:5 ҳисобида бой бераётган бир паллада камбэкни амалга ошира олганди. Аммо, учинчи сетни у курашсиз бой берди.

Таққослаш учун, Нигина Абдураимова WTA рейтингида 560, 18 ёшли Химено эса 727-ўринни эгаллаб турибди.