03 апр 14:35
Янгиликлар
Бокс/ММА
Абдурасул Исмоилов ҳам Кореяда рингга чиқади. Рақиб ким бўлиши аниқ
Аввалроқ маълум қилганимиздек, 5 май куни Корея Республикасининг Гоҳьёнг шаҳридаги "Paryeong Gymnasium" мажмуасида профессионал бокс оқшоми ташкил этилади.
Мусобақа доирасида енгил вазн тоифасида ўзбекистонлик профессионал боксчи Абдурасул Исмоилов (11-2-0) ҳам рингга чиқадиган бўлди. Ҳамюртимизга филиппинлик 26 ёшли боксчи Ал Тоёгон (14-9-2) рақиблик қилади. Жанг 8 раунд этиб белгиланган.
Аввалроқ, ушбу оқшом доирасида Ўта енгил вазн тоифасидаги профессионал боксчимиз, WBO Oriental камари соҳиби Олимжон Назаров (30-5-0) таиландлик Саравут Жиамтонг (11-4-0) билан жанг қилиши ҳақида хабар берган эдик.
Эслатиб ўтамиз, Абдурасул Исмоилов сўнгги жангини 13 январь куни Вейвей Льюга қарши ўтказиб, нокаут билан ғалаба қозонган эди.
Ҳавола :
Манба : olamsport.com
Фикрлар