Абдурасул Исмоилов Иноуэга қарши чемпионлик жанги учун Японияга етиб борди

Биз учун аҳамиятлиси, мазкур оқшомда енгил вазн тоифасида ўзбекистонлик чарм қўлқоп устаси Абдурасул Исмоилов (10-1) вакант бўлиб турган WBO Asia Pacific камари учун жанг қилади. Исмоилов мураббийи Набижон Исманов ҳамроҳлигида Кунчиқар юртга етиб борди. Ҳамюртимизга эртадан кейинги 12 раундлик жангда япониялик тажрибали боксчи Коки Иноуэ (16-1) рақиблик қилади. 

Маълумот учун, Коки энг енгил вазнда собиқ мутлақ жаҳон чемпиони Наоя Иноуэнинг амакиваччаси ҳисобланади.

Эслатиб ўтамиз, Абдурасул Исмоилов сўнгги жангини шу йилнинг 11 март куни мўғулистонлик Очирсурен Амарсанага қарши ўтказиб, 2-раундда нокаут эвазига ғалаба қозонган эди. Коки Иноуэ эса февраль ойида ўтказган охирги жангида Таиланд вакили Пакорн Аемёдни нокаутга учратганди.